BL Harley MS. 958 – page 33r
Llyfr Blegywryd
33r
ẏna. kẏmerent ef. Ac onẏ deuant. paret
ẏ breẏr ẏ vlẏghaỽ a ỻithẏaỽ ẏ cỽn o|r kic. A
dẏget ẏ croen gantaỽ a·dref a|r auu a hwar+
thaỽr ol a|r cỽn. Ac onẏ doant ẏ kẏnẏdẏon
ẏ nos honno; kẏmeret gic ẏr hẏd hoỻ. a
chatwet ẏ kỽn a|r croen y|r kẏnẏdẏon. O|r
ỻedir ẏ karỽ hanher dẏd ẏn tref breẏr katwet
ef ẏn gẏfan hẏt ẏ nos. Ac onẏ daỽ ẏ kẏnẏdẏon
ẏna. gỽnelher am hỽnnỽ mal am ẏ ỻaỻ. Os
gẏt a|r nos neu hẏt nos ẏ lledir tannet ẏ bre ̷+
ẏr ẏ vantell arnaỽ. a chatwet ueỻẏ hẏt ẏ bo ̷+
re. Ac onẏ daỽ ẏ kẏnẏdẏon ẏna. gỽnaet ym+
danaỽ ẏn|ẏ mod racdẏwedic. pỽẏ|bẏnhac a
wnel veỻẏ am hẏd brenhin a|lather ẏn|ẏ
tref. nẏ bẏd kẏrẏdus o pleit ẏ|brenhin o gẏf+
reith. Helỽrẏaeth ẏ brenhin. hẏt galan gaẏ+
af ẏ bẏd. Odẏna hẏt ẏ naỽuetẏd. ẏ|r kẏnẏd+
ẏon ẏ|bẏd. O galan gaẏaf hẏt ỽẏl ieuan nẏ
bẏd golỽẏthon breinhaỽl ẏn hẏd brenhin.
Odẏna deudec golỽẏth kẏfreithaỽl a|uẏd ẏn
hẏd brenhin. Tauot. tri golỽẏth o|r mẏnỽ+
gẏl. kẏmhibeu. Calon. Deulỽẏn. Jar. Tu+
mon. Hẏdgẏỻen. Herỽth. Auu. Ẏ neb a dẏc+
co vn o|r rei hẏnnẏ heb ganhat ẏ kẏnẏdẏon
camlẏrẏus uẏd. Drostunt oỻ. o|r dẏgẏr. teir
punt a telir. O|r ỻedir|hẏd brenhin a|e|gudẏ+
au. dirỽẏ a telir drostaỽ. Os kẏỻeỻa neb heb
| « p 32v | p 33v » |