Oxford Jesus College MS. 119 (The Book of the Anchorite of Llanddewi Brefi) – page 112r
Ystoria Adrian ac Ipotis
112r
maent bydinoed dỽyỽaỽl yn kanv deduaỽl ỽas+
sannaeth yn herỽyd eu hurdas y|duỽ. Ac ynn
llaỽn o egylyon yn kanv molyant y|duỽ hyt
dyd a nos. Y seithuet nef yỽ. med yr ystoria;
yỽ paradỽys. yno y|byd eneideu ry|darffo vd+
dunt penydyaỽ yn|y purdan yn dramgwyd tra+
gyỽydolder. llyma heb y|mab vrth yr amheraỽdyr
y seith nef y|maent yn eidyaỽ yn yachỽyaỽdyr
ni iessu grist. Yr amheraỽdyr yna a ovynnaỽd
yr mab py saỽl kreuyd o egylyonn ysyd. y|maent
yn|y nef o egluryon hep y|mab naỽ kreuyd. kyn+
taf yỽ cherubin. Sef yỽ hỽnnỽ agel kanhorthỽy.
Ar kreuyd arall yỽ seraphin. Ar trydyd yỽ tro+
nes. Ar pedỽeryd yỽ dominatones. Sef yỽ hynny
arglỽydiaetheu. Ar pymhet ynt tyỽyssogae+
theu. Ar hỽechet ynt meddyannheu. Ar seith+
uet ynt nerthoed. Sef yỽ hynny rinỽedaỽl kre+
uyd. Ar ỽythuet yỽ. egylyaeth. Ar naỽuet yỽ.
archagelyaeth. Ar decuet yỽ kreuyd knaỽdaỽl
Ac o·honunt kyflaỽn vyd y plas. A nef ysyd gann
ystlys hynny a|golles lucifer am|y gam·syber+
ỽyt. Ac yno y|byd dynyolyaeth dyỽyỽaỽl yn
tyỽyssaỽc kyfyaỽn ni. Yna y gouynnaỽd yr
amheraỽdyr yr mab. py beth a|ỽnaeth duỽ y
dyd kynntaf. kyntaf y|goruc ef egylyon nef
| « p 111v | p 112v » |