Oxford Jesus College MS. 119 (The Book of the Anchorite of Llanddewi Brefi) – page 84v
Ymborth yr Enaid
84v
nev auallulaỽt. nev wawn goruynyd. nev ysge+
ỽyll. nev heul ysplennyd nefaỽl megys lloer em
dyd. neu seren y|morỽyr. neu venus pann deckaf
yn|y nefuaỽlgylch. neu heulhafdyd pann vei
egluraf ynn|tyỽynnv disgleirloyỽ eglurder
am|hanner dyd vis meheuin yn haf. Ac odyna
deu berffeithloyỽ gochyon rudyeu troelleid.
ffuonliỽ. yn disgleiraỽ megys gỽaỽruoredyd
haf. neu deu ulodeuyn o|rosys coch. neu heul
vrth vcher yn mynet yn|y hadef. ac yn tyỽynnv
ar|vynyd o eur perffeithloyỽ. neu disgleirỽin glo+
yỽgoch yn disgleiryaỽ drỽy lestyr gỽydrin tenev.
Ac velle yd|oed gloyỽgoched y|deu|rud yn perffeith+
yaỽ klaerwynnder y|kyssegredic wyneb a|e glaer+
wynder ynteu yn kymyscu tegỽch ar gloyỽgo+
chyon rudyeu. Ac ygyt yn egluraỽ disgleirder
ar y|melynllaes amylwallt. a|hỽnnỽ yn goleuhav
serchaỽl degỽch arnunt wyntev. Ac odyna pur+
loyỽdued yr aeleu ar|ymranheu yn mỽyhav e+
glurder pob|vn onadunt ar|y|gilyd. Ac ỽyntev
oll ygyt yn mỽyhav tegỽch yr holl gnaỽt. a|the+
gỽch yr holl gnaỽt yn angwanhegu eu tegỽch
ỽynteu. Ac odyna yd|oed yr anrydedus vab. dỽy
wefuus yn kyffroi kyfulaỽnserch garyat ar
baỽp. a|phaỽb arnaỽ yntev. Ac ychydic ar|dyr+
| « p 84r | p 85r » |