Oxford Jesus College MS. 20 – page 21r
Owain
21r
y deuthum hyt ẏ lanerch a phan deu+
thum yno. hoffach oed gynnyf a we+
lỽn yno a* aniuilyeit* gwyllt. no
thri chymeint a dywaỽt y gỽr. a|r
gỽr du a oed yn eisteid ẏm|penn yr or+
ssed. maỽr ẏ dywaỽt. y gwr imi ẏ
vot ef mỽy llaỽer oed ef no hẏnnẏ.
a|r ffon ayrn hayarn a dywedassei
y gỽr vot lỽyth petwar milỽr a honno
oed yn llaỽ y gỽr du. a chyuarch
gwell a wneuthum y|r gỽr du. ac ny
dywedei ynteu vrthyf i namẏn gỽrth+
groched. a gouyn a wneuthum idaỽ py
vedyant oed idaỽ ef ar yr aniueilẏeit
hynnẏ. Mi a dangossaf yt dyn bychan
heb·yr ef. a dyrchaỽel ẏ ffon hayarn.
a marỽ carỽ a hi. yny ryd ynteu vre+
iuat vaỽr. ac yna y deuthant o a+
niueilyeit yny oed gyuig ymi seuyll
gyt ac ỽynt yn|y llanerch. a riuedi
tebygỽn y syr ar yr awyr. a hynnny*
| « p 20v | p 21v » |