Oxford Jesus College MS. 57 – page 104
Llyfr Blegywryd
104
dewis. ỻe y perthyno deturyt gỽlat gỽyr y|ỻys
oỻ bieu tyngu. dieithyr y rei a aỻo y kynhen+
nusson eu ỻyssu o gyfreith. ~ ~ ~
P Edeir|fford taryan yssyd a|gerdant
yn ỻys rỽng kynhennusson a reith
gwlat. neu deturyt gỽlat. megys kadỽ gỽestei
am ledrat kyssỽyn. a|chadỽ kynn coỻ a geni.
a meithryn am ledrat. Gỽaessaf neu treis. neu
anghyuarch heb dreis a heb ledrat. ac nyt kỽ+
byl wrtheb. ac nyt kỽbyl diheuraỽ. ac nyt kỽ+
byl amdiffyn vn o|r|teir kyntaf y|r neb a|e kaffo.
namyn kanhorthỽy ual y bo haỽs y gredu trỽy
y traean* a gaffo no hebdi. Ac ueỻy galỽ gỽa+
rant. nyt kỽbyl wrtheb. nyt kỽbyl diogelrỽyd.
namyn keissaỽ nebun a|wrthepo drostaỽ. ac
a|wnel kỽbyl drostaỽ. Ac ỽrth hynny pỽy|bynnac
a|gaffo gỽarant. safent eỻ|deu y·gyt ỽrth gyf+
reith yn|y ỻys yny deruyno y dadyl oỻ trỽy varn
y·ryngthunt a|r haỽlỽr. kany eỻir gỽybot o vn
ford kynn barn deruynedic. ae vn o·honunt a|vo
| « p 103 | p 105 » |