Oxford Jesus College MS. 57 – page 120
Llyfr Blegywryd
120
Pob heit o gynn aỽst hyt gỽedy gỽyl yr|hoỻseint.
un werth vydant. nyt amgen no phedeir ar|hu+
geint. Ot a heit gỽedy kalan aỽst y maes. as+
geỻheit vyd. ac ny thal namyn pedeir keinya+
ỽc hyt galan mei. Modrydaf gỽedy del y gynn+
heit o·honei. ugeint a|dal. Gỽedy del yr eil heit
ohonei vn ar|bymthec a|dal. Gỽedy del y|dryded
heit ohonei. deudec keinyaỽc a|dal. Gỽerth gỽe+
nynỻestyr. deudec|sỽỻt. O|r dygir bydaf yn ỻet+
rat. a thorri y prenn y bo yndaỽ. gỽerth y
prenn y·gyt a|gỽerth y vydaf a delir y arglỽ+
yd y tir. Y neb a gaffo bydaf os|dengys y ber+
chen y tir. pedeir keinyaỽc a|e|ginyaỽ a|geiff.
neu y kỽyr oỻ. Ny|thal neb heit o·nyt pedeir
keinyaỽc yny vo tri·dieu yn wastat trỽy aỽ+
el eglur. dyd y geissyaỽ ỻe. a|dyd y uudaỽ. a
dyd y orffowys. Y neb a gaffo heit ar dir dyn
araỻ. pedeir keinyaỽc a|geiff y|gan berchenaỽc
y tir o|r mynn ynteu yr heit. ~ ~ ~
A Elodeu un werth y|dyn ynt y rei. hynn.
| « p 119 | p 121 » |