Oxford Jesus College MS. 57 – page 35
Llyfr Blegywryd
35
neu torri vn o bedwar|post corf dyn. dỽy vreich a dỽy
vordỽyt. y verch a vyd vn vreint a merch bard teulu.
G of ỻys a|geiff penneu yr ychen a|r gỽarthec
a|ladher yn|y ỻys. Y vỽyt ef a|e was a|geiff
o|r|ỻys. Ef a|geiff traet y gỽarthec oỻ. Ef a|wna
hoỻ weith y brenhin yn rat. dyeithyr tri|pheth bỽy+
aỻ aỽchlydan. a chaỻaỽr. a phenn gỽaeỽ. o|r rei
hynny gỽerth y weith a|geiff. Kadarnach y dyw+
edir y keiff ef gỽerth y weith o gaỻaỽr brenhin
ae heyrn rỽym porth y casteỻ. a heyrn y velin.
keinyon a geif yn|y gyuedeu. O bop karcharaỽr
o|r y|diotto heyrn y arnaỽ pan rydhaer. pedeir
keinyaỽc a|geiff. a|e|tir yn ryd. Gỽiraỽt kyfreith+
aỽl a|geiff. nyt amgen ỻoneit y ỻestri y gỽaỻofy+
er ac ỽynt yn|y ỻys o|r kỽryf. ac eu hanner o|r
bragaỽt. ac eu traean o|r med. Ef a|geiff gobreu
merchet y gofeint hyt y|bo y sỽyd. Cowyỻ y verch
yỽ chỽeugeint a|phunt. Y hegwedi yỽ punt. E+
bediỽ gof ỻys yỽ chỽeugeint. Maer bissweil a
geiff crỽyn yr ychen a|r|gỽarthec a ladher yn|y|ỻys
| « p 34 | p 36 » |