NLW MS. Llanstephan 27 (The Red Book of Talgarth) – page 155r
Deall Breuddwydion
155r
Gỽelet neidyr y|th uolestu. Gỽreic y|th uredychu a|arỽydockaa.
Gỽelet gỽaet yn n o|th ystlys. coỻet a arỽydockaa.
Gỽelet yn ymdeith myỽn keỻi. ỻewenyd a arỽydockaa.
Gỽelet yr heul a|r ỻoer yn|kyt·redec. gỽythloned a|arỽydockaa.
Gỽelet. y waet yn dygỽydaỽ o·honaỽ. coỻet a|arỽydockaa.
Gỽelet nadred yn kymot. goruot ar dy alon a|arỽydockaa.
Gỽelet yn gỽneuthur dy gymun. diogelrỽyd a|arỽydockaa.
Gỽelet tymestyl. ỻewenyd ac enniỻ. a arỽydockaa.
Gỽelet. y daear yn kyffroi. coỻi dyn a arỽydockaa.
Gỽelet tywyỻỽch. vffern a arỽydockaa.
Gỽelet yn mynet dros uor. neu ymolch˄i yndaỽ. ỻewenyd a|arỽydockaa.
Gỽelet yn|gywiỽ. ỻewenyd. neu gennat da a|arỽydockaa.
Gỽelet peis goch. vffern a arỽydockaa.
Gỽelet gỽisc dec. ỻewenyd a|arỽydockaa.
Gỽelet yn kymryt gỽreic. coỻet a|arỽydockaa.
Gỽelet dy vot yn wisgaỽc. digrifỽch a arỽydockaa.
Gỽelet ỻosgi dy diỻat. neu eu coỻi. coỻet a|arỽydockaa.
Gỽelet yn ymot gỽydyr. blỽng a arỽydockaa.
Gỽelet yn|ehetuan. symut y le araỻ a|arỽydockaa.
Gỽelet. yn ỻad gỽr. dadleu a|th alon a|arỽydockaa.
Gỽelet yn kael morỽyn aeduet. enniỻ a|arỽydockaa.
Gỽelet dy uot yn vedỽ. Yr hynn a|becheist yn|dirgel. y adraỽd
Gỽelet dy vrathu. dolur a|arỽydockaa. [ arnat. a|arỽydockaa.
Gỽelet. arth yn|gỽneuthur molest ytt. dy anghyfeiỻon y|th
Gỽelet. yn ymdeith tref domlet. molest drom arwydockaa. [ vredychu.
Gỽelet. brodyr neu chỽioryd a veynt ym|peỻ y ỽrthyt ỻewenyd.
Gỽelet. yn prynu neu yn gỽerthu. tristyt maỽr a|arỽdockaa*.
| « p 154v | p 155v » |