NLW MS. Llanstephan 27 (The Red Book of Talgarth) – page 43v
Credo Athanasius, Pa ddelw y dylai dyn gredu i Dduw
43v
1
keing o ryỽ brenn y|myỽn prenn araỻ. Ac ỽrth hynny
2
un iessu grist yssyd wir duỽ a|gỽir dyn. nyt yr kymysgu
3
y deu anyan yn vn anyan. namyn o achaỽs bot y|dỽywol ̷+
4
yaeth ef a|e dynolyaeth yn un person. kanys megys y byd vn
5
dyn o eneit dylyedus a chnaỽt. veỻy o|duỽ a|dyn y mae
6
un iessu grist. yr|hỽnn a|diodefaỽd angeu y|n gỽaret ni. Ac o+
7
dyna anreithyaỽ uffern. a|e gyfodi o veirỽ yn vyỽ yn|y trydyd
8
dyd. a|e ysgynnu ar nef. a|e vot yn eisted ar deheu duỽ dat hoỻ+
9
gyuoethaỽc. Ac odyna y daỽ y varnu ar vyỽ ac ar ueirỽ. Ac
10
yna y kyuodant yr|hoỻ boploed meirỽ yn vyỽ yn eu corfforo+
11
ed y|r varn. Ac yna y|byd reit y baỽp talu dylyet o|e weithret pri+
12
aỽt. a|r|rei a|o·diweder ar|y da a|ant y vuched tragywydaỽl.
13
a|r lleiỻ ar y drỽc a|odiweder ac ar y cam a|ant y|r tan. tragyỽ+
14
ydaỽl. a hynny a gredir yn wir. ~ ~ ~ ~ ~ ~
15
Dangos y mod y dylyo dyn gredu y duỽ hoỻ·gyuoethaỽc.
16
Yn|y mod hỽnn y dysgir y|dyn pa|delỽ y|dyly credu y duỽ a
17
charu duỽ. a chadỽ y dengeir dedyf. ac ymoglyt rac y seith
18
pechaỽt marỽaỽl. ac erbynnyeit seith rinwed yr eglỽys yn
19
anrydedus. a gỽneuthur seith weithret y drugared. yr go+
20
brwyaỽ nef idaỽ ynteu. ~ ~ ~ ~ ~
21
P *aỽl ebostol a|dyweit na eỻir rangk bod y|duỽ heb ffyd.
22
ac ỽrth hynny ỻyma ual y mae ac ual y dyly dyn
23
gredu. Credu bot y tat a|r mab a|r yspryt glan yn vn duỽ
24
teir person. Credu y|r vn duỽ hỽnnỽ creu a|ffurueidyaỽ nef
25
a|daear. ac yssyd yndunt yn hoỻaỽl o greaduryeit a welir
26
ac ar|ny welir. ac ef yssyd yn cadỽ ac yn amdiffyn. ac yn tyw+
27
yssyaỽ. Credu dyuot un mab duỽ holl·gyuoethaỽc y|mru
The text Pa ddelw y dylai dyn gredu i Dduw starts on line 21.
| « p 43r | p 44r » |