NLW MS. 3035 (Mostyn 116) – page 178v
Brut y Tywysogion
178v
1
cofent o vyneich y ystrat flur gyntaf. ac yna y bu varỽ. llywelyn.
2
ap ywein gỽened y gỽr a ragores mob* paỽb o deỽred a do+
3
ethineb a|r doethineb o ymadraỽd a|r ymadraỽd o voesseu
4
Y vlỽydẏn rac·ỽyneb y doeth y|freinc o|penuro a|r flemis+
5
seit y ymlad yn gadarn a|chasteỻ kil gerran a gỽedy ỻad
6
ỻawer o|e gỽyr yd ymchoelasant adref yn ỻaỽ wac. ac
7
eilweith yd ymladassant a|chil geran yn ouer heb gahel
8
y casteỻ. Y vlỽydyn hono y|distryỽyt dinas bassin y gan
9
ywein gỽyned. Y vlỽẏdẏn hono y gỽrthladỽyt diermit
10
vab mỽrthach o|e genedyl ac yd aeth hyt yn normandi
11
at vrenhin ỻoeger y eruyneit idaỽ y dodi yn|y gyuoeth
12
dracheuen wedy cỽynaỽ ỽrthaỽ. ac yn|y vlỽydyn y gỽr*+
13
ladỽyt Joruerth goch ap Maredud o|e genedyl ac o|e gyuoeth
14
y|mochnant y gan y deu ywein a|r deu ywein hẏnẏ a ranas+
15
sant vochnant yrygtunt ac y deuth mochnant vch+|ray
16
adyr y ywein kyueilaỽc a mochnant is rayadyr y ywein
17
vychan. Y vlỽẏdẏn racỽyneb y kyfunaỽd y·ỽein a meibon
18
gruffud ap kẏnan o ỽyneb* a rys ap gruffud ap rys o de+
19
heubarth yn erbẏn ywein kyfeilaỽc ac y|dugant y +gan
20
taỽ gaer einaỽn ac y|rodassant y ywein vychan ap Ma+
21
daỽc ap Maredud. Odẏna yd enniỻassant da·valwern a
22
hono a|rodet y|r arglỽyd rẏs canys o|e gyuoeth y|dywetit
23
y hanuot. Ny bu vaỽr wedy hẏnẏ yny doeth ywein kyuei+
24
laỽc a ỻu o|r freinc y·gyt ac ef am|ben casteỻ caer einaỽn
25
yr hon a|wnathoed kymry kyno hyny a gỽedy eniỻ y
26
casteỻ y dorri a|wnaethant a|e ỻosgi a ỻad yr hoỻ gasteỻ+
27
wyr. Yn|diwed y vlỽydyn hono y kyrchaỽd ywein a chad+
28
waladẏr tywyssogyon gỽyned a|r arglỽyd rys tywys+
29
saỽc o
| « p 178r | p 179r » |