Breudwd Welsh Prose 1300-1425
Cymraeg

NLW MS. 3035 (Mostyn 116) – page 189r

Brut y Tywysogion

189r

y neb vn ỽydel a bỽeỻ lad kediuor ap griffri gỽrda aduỽyn.
a|e petwar ar·derchogyon veibon gyt ac ef a hanoedynt o
dyly·edaỽc voned kanys y mam oed susana verch hỽel o verch
vadaỽc ap maredud. Y|vlỽydyn rac·ỽyneb y doeth jeuan gar+
dinal hyt yn ỻoegyr ac y kynuỻaỽd attaỽ hoỻ escyb ac a+
badeu ỻoegẏr ac aneiryf o|eglỽyswyr a|chrefydwyr ỽrth|wneu+
thur sened ac yn|y sened hono y kadarnhaaỽd kyfreith yr eglỽys
drỽy yr hoỻ teyrnas. Y|vlỽydẏn hono y|gỽnaeth mael·gỽn ap
rys gasteỻ aber einaỽn. ac yna y rodes duỽ amylder o bysgaỽt
yn aber ystỽyth. yn gymeint ac na bu y|kyfryỽ kyn no hẏnẏ
Y|vlỽydyn rac·ỽyneb y gỽahardỽyt y gristonogaeth y gan y
pap yn hoỻ deyrnas loegyr o achaỽs gỽrthỽynebu o jeuan
vrenhin etholydigaeth archescob keint. Y|vlỽydyn hono y
gỽrthladaỽd jeuan vrenhin wilim breỽys a gỽilim jeuanc
y|vab a gỽraged a|e hỽyron o gyghor·uynt a|chas hyt yn jwer+
don drỽy amarch a choỻet ar yr eidunt. Y|vlỽẏdẏn hono y delis
y|brenhin wenỽynỽn yn amỽythic ac y gỽeresgynaỽd ỻywelyn
ap joruerth y hoỻ gyuoeth a|e gestyỻ a|e lyssoed. a|phan ỽybu vael·gỽn
ap rys hyny rac ofyn ỻywelyn ap joruerth y byrryaỽd gasteỻ ystrat
meuruc y|r ỻaỽr a ỻosci dineith ac aber ystỽyth ac nyt ede+
wis eissoes lywelyn y|aruaeth namyn dyuot a|wnaeth hẏt
yn aber ystỽyth a|e hadeilat a|chym·ryt cantref penwedic idaỽ
e|hun a|rodi y dryỻ araỻ o geredigyaỽn vch|aeron y veibon
gruffud ap rys y|nyeint Y|vlỽydẏn hono y goresgynaỽd rys
vychan ap|yr arglỽyd rys gasteỻ ỻan gadaỽc heb goffau yr
amot a|wnaethoed a|e nẏeint pan rodyssynt idaỽ gasteỻ
dinefỽr. Y|vlỽydyn rac·ỽyneb yd ymladaỽd rys ac ywein mei+
bon gruffud a|chasteỻ ỻan gadaỽc ac y|ỻosgassant gan lad