NLW MS. Peniarth 11 – page 201v
Ystoriau Saint Greal
201v
ac a|dywaỽt na dylyei y fforest honno vot yn|y eidaỽ efo. na+
myn y wreic wedỽ o gamalot a|e|dylyei neu y mab hitheu.
Ac yna arglỽyd y corsyd a|lidyaỽd ỽrthaỽ ac a|e brathaỽd a chle+
dyf drỽydaỽ yny vu varỽ ef. a|e gedymdeithyon a|e dugassant
adref hyt geyr bronn a|e|vam. A vnben heb y wreic ỽrth y|mab
y ryỽ anregyon hynn a gaỽssam ni yn vynych gan arglỽyd
y corsyd yr|hỽnn ny chafas digaỽn eiryoet o|m gorthrymu i.
a thi a eỻy wybot ry wneuthur ohonaỽ ef lawer gorthrymder
yr pan vu varỽ dy dat ti. Yna yr arglỽydes a|beris amdoi y
marchaỽc urdaỽl a|e gladu. a thrannoeth gỽedy offeren pa+
redur a wisgaỽd y arueu ymdanaỽ. ac a beris y deu o vachoc*+
yon y ỻys dyuot ygyt ac ef yn|aruaỽc. ac y|r|fforest yd aeth+
ant. a|marchogaeth a|orugant yny doethant hyt yn ymyl
casteỻ. ac o hỽnnỽ ỽynt a|welynt pump marchaỽc urdaỽl
yn dyuot yn aruaỽc. Paredur a|ovynnaỽd pioedynt gỽyr ỽy.
Ac ỽynteu a|dywedassant mae gỽyr oedynt y arglỽyd y corsyd.
a mynet yd oedynt y geissyaỽ mab y wreic wedỽ. ac o|r gaỻỽn y
daly a|e dwyn y|n arglỽyd ni a gaỽn weỻau arnam vyth. Myn
vym|penn i heb·y paredur weldyma hỽnnỽ y chỽi. ac nac eỽch
beỻach no hynn o|e geissyaỽ. Ac yna brathu y varch a|oruc
paredur tu a|r nessaf attaỽ onadunt. a|e vrathu trỽydaỽ a gỽa+
eỽ yny vyd mỽy no hyt hanher|ỻath. ac a|drewis pob un o
rei ereiỻ yny dyỻa eu ỻurygeu ac yny vuant yn vriwedic
drỽc. namyn deu onadunt a|ymrodassant yn garcharw+
yr. a|r deu vriwedic heuyt a|doethant gan baredur y gasteỻ
camalot ac a|e|duc o|e vam. Arglỽydes heb ef weldyma dech+
reu tal ytti am dy varchogyon urdolyon. a|r pymet a|drigy+
aỽd
| « p 201r | p 202r » |