NLW MS. Peniarth 11 – page 235v
Ystoriau Saint Greal
235v
ac ny lyuassei hi wneuthur amgen. A|ryued vu genthi aỻel
o laỽnslot dynnu y cledyf o|r golovyn. ac nat ytoed yn|y herchi
hitheu. Eissyoes laỽnslot a|oed yn medylyaỽ yn vỽy am|beth
araỻ. kanys yr pan anyssit eiryoet ny buassei kyn|dristet
ac yr|oed o achaỽs marỽolyaeth y vrenhines. Yna ef a|erchis
y|r arglỽyd gynnal amot ac ef. Nys dylyaf heb yr arglỽyd.
kanys ny dyly neb roi y verch y|ỽ elyn. a|thitheu a|ledeist
vy|mraỽt. a|phei ron ymi y roi hi ytti ny dylyei hi dy garu
di vyth. ac os carei hi a|wnaei yn ffol. Drỽc vu gan y verch
glybot y that yn|dywedut ueỻy. a|hi a vynnei pet vei hi a
laỽnslot yn|y fforest. Eissyoes ny mynnei laỽnslot y vot y
vot yn|y mod yd|oed hi yn|y vedylyaỽ. Yna yr arglỽyd a|erchis
gỽarchadỽ y porth yn|da rac|dianc laỽnslot. ac a|orchymynna+
ỽd y|r marchogyon y|r marchogyon y wylyat dan boen eu
heneidyeu. a|e bot yn baraỽt erbyn trannoeth. yn eu haruev
kanys yna y mynnei ef torri pen laỽnslot a|e grogi y·gyt a|r
ỻeiỻ. Y verch a|ỽybu y chwedleu hynny ac a|vu drist genthi.
kanys tebic oed genthi vythi vyth na|chaffei lewenyd os
y|lad a|wneit yn|y mod hỽnnỽ. a hi a anuones annerch
attaỽ megys att y neb mỽyaf a|garei ac a|erchis idaỽ vot
yn|y aruot yr amdiffyn y eneit. kanys y that a|oed ar vedyr
y lad. Arglỽyd heb y gennat y mae yma deudec marchaỽc
urdaỽl yn aruaỽc yn gỽarchadỽ y porth. ac yn dywedut
y|th ledir di ual y ỻas y ỻeiỻ. ac ef a|daỽ yno deudec ereiỻ. ac
| « p 235r | p 236r » |