NLW MS. Peniarth 18 – page 11v
Brut y Tywysogion
11v
1
daỽc. Ac yna anuon yspiỽyr a|oruc madaỽc y|ỽybot
2
py le bei cadỽgaỽn. A rei hynny a|doethant dracheuen
3
ac a|dyỽedassant. y|neb yd oedem ni yn|y geissaỽ ym
4
pell y|mae hỽnnỽ ynn agos. Ac ynteu a|e ỽyr yn|y
5
lle a|gyrchaỽd cadỽgaỽn. a chadỽgaỽn hep dybyaỽ
6
dim drỽc a|ymỽnaeth ynn llesc hep uynnv ffo. A
7
hep allel ymlad ỽedy ry|fo y|ỽyr oll a|e gael ynteu
8
ynn vnic. a|e lad. A gỽedy llad cadỽgaỽn anuon ke+
9
nadeu a oruc madaỽc at rikert o bleins escop llun+
10
dein y|gỽr a|oed ynn kynnal lle y brenhin. Ac y+
11
n|y lyỽav ynn amỽythic y erchi talu idaỽ y|tir.
12
y|gỽnathoedit y kyfulauaneu hynny ymdanaỽ.
13
A gỽedy gỽelet o|r escob ynn gynnil y achỽysson
14
ef hep rodi messur ar hynny y|oedi a|oruc nyt
15
yr caryat arnaỽ. namyn adnabot ohonaỽ deuo+
16
deu gỽyr y ỽlat. y|mae llad a|ỽnaei pob un ohonunt
17
y|gilyd. Ar kyurann a|uuassei. eidaỽ ef. ac ithel
18
y|vraỽt kynn o|hynny a|rodes idaỽ. A|phann gigleu
19
maredud ap bledyn hynny kyrchu y brenhin a|oruc
20
y|erchi tir ioruerth ap bledyn y|uraỽt. Ar brenhin
21
a|rodes catỽaryaeth* y|tir idaỽ yny delei yỽein ap
22
cadỽgaỽn yr|ỽlat. Yg|kyfrỽg hynny y|deuth yỽein
23
ac yd aeth at y|brenhin. A chymryt y|tir y|gantaỽ
24
trỽy rodi gỽystlonn. ac adaỽ llaỽer o aryant. A
25
madaỽc a|edeỽis llaỽer o aryant. a gỽystlon. ac
26
amodeu gerbronn y brenhin. a gỽedy kymryt o|r
| « p 11r | p 12r » |