NLW MS. Peniarth 18 – page 20v
Brut y Tywysogion
20v
atunt hỽynteu y hedỽch ac achub a|ỽnaethant
Meiryonnyd a|chyfeilaỽc. a|phenllyn. a|e rannu
rygtunt. Ac y Ruffud ap Maredud y deuth kyfeil+
aỽc a Maỽdỽy a|hanner penllynn. Meiryannyd
ar hanner arall y penllynn y veibon cadỽgaỽn ap
bledyn. Y|ghyfrỽg hynny y teruynaỽd y vlỽy+
dyn yn ulin ac yn atkas y|gan paỽb. y ulỽydyn
racwyneb y bu varỽ gilbert vab rickert y|hir nych+
daỽt a|chleuyt. A henri vrenhin a|trigyaỽd yn
normandi o achaỽs bot ryfel yrygtaỽ a brenhin
freinc. Ac uelly y|teruynnaỽd y vlỽdyn* honno. Y
ulỽydyn racwyneb y|magỽyt anuundeb rỽg ho+
wel ap Jthel a|oed arglỽyd ar ros a|rywynny+
aỽc. a meibon yỽein ab etỽin nyt amgen gro+
nỽ a ridit a llywarch. a|e vrodyr y rei ereill; a
howel a|anuones kennadeu at veredud vab ble+
dyn. a meibon cadỽgaỽn vab bledyn. nyt am+
gen. Madaỽc ac einaỽn y eruynneit udunt y
dyuot yn borth idaỽ. kanys o|e hamdiffyn ỽyn+
tỽy a|e kynhaledigaeth yd oed ef yn kynhal
yn|y kyfran o|r wlat a doeth yn ran idaỽ. ac wyn+
teu pan glyỽssant y ỽrthrymu ef o ueibon yỽein
a|gynullassant y|gỽyr a|e gytymdeithon ygyt. ky+
meint ac a|gaỽssant yn baraỽt. val am·gylch pet+
war canỽr y|doethant yn|y erbyn ef y|dyfryn clỽyt
yr hỽnn a|oed wlat udunt hỽy. ac wynteu a|gynu+
| « p 20r | p 21r » |