NLW MS. Peniarth 18 – page 46v
Brut y Tywysogion
46v
Ac velly o|boptu yd oedynt yn kymhurthaỽ y|fre+
inc. Ac yna yd anuones phylip ardercheaỽc vren+
hin freinc leỽys y vap y peitaỽ a llu ygyt ac ef.
y|ymerbynneit a|brenhin lloeger. Ac yntev e|hun
a|freinc ygyt ac ef a|tynnaỽd tu a|fflandrys ynn
erbyn yr amheraỽdyr. A phann ỽelas yr amhera+
ỽdyr ar ieirll hynny blỽg uu gantunt lauassu
o|vrenhin freinc dynessav attunt. a|e gyrchu yn
dic a|ỽnaethant. A gỽedy hir ymlad ef a|syrtha+
ỽd y uudugolyaeth y|vrenhin ffreinc. Ac a yrrỽ+
yd yr amheraỽdyr ar ieirll ar ffo. o flandrys.
a bar. a hanaỽt. A|phann gigleu brenhin lloegyr
y|damỽein hỽnnỽ ofynhav a oruc gynnal ryuel
a|vei hỽy a|gỽneuthur kygreir seith mlyned a|oruc
a brenhin ffreinc. Ac ymhoelut y loegyr. a thalu
llaỽer o|e colledeu yr eglỽyssỽyr. Ac yna y|bu gy+
ffredin ellygdaỽt yr eglusseu ar hyt lloegyr a|chy+
mry. Y ulỽydyn honno y|bu varỽ Zeffrei escop
mynyỽ. Y|ulỽydyn racỽyneb y|bu teruysc y·rỽg
Jeuan vrenhin a|saesson y|gogled. a llaỽer o|ieirll
a|barỽnyeit lloegyr. o|achos na|chatỽei Jeu+
an vrenhin ac ỽynt yr hen gyureith a|deuodeu
da. a gossodynt gann edỽart. a|henri y|brenhined
kyntaf. Ac a|tygassei yntev yr teyrnnas pann ryd+
haỽyt rodi vdunt y|kyureitheu hynny. Ar ter+
uysc hỽnnỽ a gerdaỽd yn gymeint ac yd ymar+
| « p 46r | p 47r » |