Breudwd Welsh Prose 1300-1425
Cymraeg

NLW MS. Peniarth 18 – page 47v

Brut y Tywysogion

47v

gỽedy hynny y|deuth yntev gilis e|hun y|vrecheinaỽc
Ac y goresgynnaỽd aber hodni. A maes hyueid ar
gelli. a|blaen llyfni. a|chastell buellt. Colỽyn a|ch+
antref eluael vrthunt a edeỽis ef y|ỽallter ap einon
clut ỽrth y oresgynn. A|thra yttoedit yn hynny ym
brecheinaỽc y hedychaỽc* rys Jeuanc. a maelgỽn
ap rys y eỽythyr. ac y kyrchassant dyuet ygyt.
ac y goresgynnassant gymry oll eithyr kemeis a
honno anreithassant. Ac arberth. ar maen cloch+
aỽc a losgassant. Ac odyno yd aeth maelgỽn. Ac
yỽein ap grufud y|ỽyned at lyỽelyn ap ioruerth. Ac y
kynullaỽd rys ieuanc lu diruaỽr y|veint. Ac y
goresgynnaỽd getỽeli. A charnỽyllaỽn. Ac y|llosges
y castell. Ac odyna y|tynnaỽd y|ỽyyr. Ac yn gynta
y|goresgynnaỽd castell llychỽr. Ac odyna yd|ymla+
daỽd a chastell hu. Ac yd aruaethaỽd y castellỽyr
cadỽ y|castell yn|y erbyn. Ac yntev a|gauas y castell
y|treis gann ellỽg y castell ar castellỽyr trỽy dan. a
hayarn. trannoeth y|kyrchaỽd sein henyd. A|rac
y ouyn ef y|llosges y|castellỽyr y|tref. ac yntev hep
torri ar|y aryuaeth a gyrchaỽd castell ystumllỽy+
narth. a|phebyllu yn|y gylch y|nos honno a|oruc.
A|thrannoeth y cauas y|castell. Ac y|llosges ef ar|tref.
ar* erbyn penn tri dieu y|goresgynnaỽd holl gestyll
gỽyhyr. Ac velly yd|ymhoelaỽd dracheuen yn hy+
uryt uudygaỽl. Ac yna y|gollygỽyt rys o|gar+