NLW MS. Peniarth 190 – page 258
Penityas
258
edut y|r penytywr val|hynn. vy|mraỽt pa+
ỽb a|dyly gỽybot o|r bỽryaỽd y hat dynya+
ỽl dan y wybot idaỽ yn amgen le noc ygyt
a|e wreic briaỽt. pa vod bynnac y bo gorth+
rỽm yỽ y pechaỽt hỽnnỽ. Eissyoes os y pe+
nytywr a vyd anwybodus ynghylch y ryỽ
betheu hynny. ac a|ovynno pa vod ny dy+
ly ef yn vn mod gerdet racdaỽ mỽy yn|y
ryỽ amovyn hỽnnỽ. namyn yn|y ỻe tros+
set yn gaỻ ar beth araỻ o·dieithyr hynny.
Ynghylch keingeu godineb y geỻir govyn
y petheu hynn. Pa beth o ba ganhorthỽy.
Pa saỽl gỽeith. ym pa le. Pa vod. Pa amser.
Am y pyngkeu a|edewit heb eu kyffessu
K eingeu o adawedigaetheu nyt amgen.
Ef a|dylyir am·ovyn am y daoed a
dylyit eu gỽneuthur ac a edewit. ac o
bechodeu a elei dros gof. ac o amylder
pechodeu madeuaỽl. megys medylyeu
ar ryỽ betheu hynny. O eiryeu gorwac
ac o amgylchyon pob peth o|r orthrym+
| « p 257 | p 259 » |