NLW MS. Peniarth 190 – page 51
Ystoria Lucidar
51
duỽ yn vỽy noc y dynyon. discipulus A aỻant ỽy oỻ+
ỽng neu diỻỽng. Magister Gaỻant. ony|bydant
wahardedic o varn yr eglỽys. kanys crist
e|hun drỽy eu gỽassanaeth ỽy yssyd yn rỽ+
ymaỽ ac yn goỻỽng. o|r bydant hagen wa+
hardedic ỽynteu ny|s|gaỻant. kanys tra
vu Judas gyt a|r ebystyl. ef a bregetha+
ỽd ac a vedydyaỽd. ac a|wnaeth gỽyrtheu.
a|gỽedy y giliaỽ y ỽrthunt ef a ymdan+
gosses megys gelyn kyhoedaỽc. veỻy tra
vont ỽynteu yng|kyffrredinrỽyd yr eglỽ+
ys. ef a vyd kadarn pob rinwed o|r a|wnel+
ont. Pryt na bont ỽynteu. diffrỽyth vyd
eu gỽeithredoed. ac ỽrth hynny. bleideu ynt.
Paỽp a|dylyant eu gochlyt. Megys y dyỽ+
edir. vym pobyl i eỽch oc eu plith ỽy. rac
aỽch bot yn gyfrannaỽc ar eu poeneu.
Eu|gochel ỽynt a|dylyir o vedỽl ac ewyỻys
rac kyt·synnyaỽ a|e drycweithredoed. discipulus
Pa ryỽ gytsynnyaỽ. Magister O|r molir eu
drycweithredoed neu o|r nerthir ỽynt. ae
| « p 50 | p 52 » |