NLW MS. Peniarth 32 (Y Llyfr Teg) – page 243
Ystoria Adda
243
1
y|ffynnhaỽn y gỽeles pren maỽr A|cheigeu maỽr
2
idaỽ a deil. Ac ef a|doeth yn|y vedỽl pan·yỽ o achaỽs
3
y pren hỽnnỽ y tỽyỻỽyt y tat a|e vam. kanys o
4
achaỽs y pechaỽt tros ẏ gỽahard ny dylyynt hỽy
5
bỽytta ffrỽyth y pren. Odyna y doeth tra|e gefyn
6
at yr agel a datganu a|wnaeth ydaỽ yr hyn a|welsei
7
A|r agel a erchis idaỽ ymchoelut tra|e gefyn y welet
8
a|uei uỽy. Ac ynteu a deuth tra|e|gefyn ac a|welas.
9
sarff aruthur creulaỽn cribdeilyaỽdyr yg·kylch y
10
pren. Ac ygyt ac y gwelas ef a gymyrth ofyn
11
maỽr racdaỽ. Ac a deuth tra|e|gefyn
12
at yr agel. A|r agel a erchis idaỽ hyspyssu
13
a synhyeit yn ystyryaỽl. ac ynteu a|e
14
gỽnaeth. Ac ef a|dodes y pen y myỽn y drỽs. Ac
15
ef a welas ar y pren megys mab newyth eni
16
gỽedy y droi. y|myỽn diỻat plygedic ar oruchelder
17
y pren. Ac ef a|welas trỽy wreid y pren teir fe+
18
nestyr trỽy perued y daear hyt yn uffern. Ac
19
yna yd adnabu ef eneit abel y vraỽt. Odyna
20
yd ymchoelỽys dan chwerthin a datganu y|r
21
agel yr hyn a welsei. Ac odyna y dywat yr
22
agel ỽrtaỽ* y mab a|weleist|i; hỽnnỽ oed vab duỽ
23
yr hỽn a purha pechodeu dy ryeni di a|daỽ pan
24
del yr amser. hỽnnỽ yỽ y ỻygat a|r naỽd a|r
25
trugared a|e·dewis duỽ y|th tat ti adaf. yr hỽn
26
a|e rythaa ef a|r neb a|del o·hanaỽ. Odyna y
| « p 242 | p 244 » |