NLW MS. Peniarth 32 (Y Llyfr Teg) – page 8
Llyfr Iorwerth
8
1
y vrenhines. a|r penkynyd. Y penteulu a|dyly
2
tri chorneit. Vn y gan y brenhin. Yr eil y gan y
3
vrenhines. Y trydyd y gan y distein. a|r rei hyn+
4
ny a dylyant vot ar y ankỽyn. Ef a dyly kerd
5
y gan y bard teulu pan vynho. Ef a dyly me ̷+
6
deginyaeth rat y gan y medyc dyeithyr y waet
7
diỻat. dyeithyr o|r teir gỽeli ar·berigyl. Sef ynt
8
y rei hynny. dyrnaỽt ar benn hyt yr emenhyd;
9
a|dyrnaỽt yn|y corf hyt yr amysgar. neu torri
10
vn o bedeir colofyn. Ef a|dyly kylch y gan y
11
brenhin. gỽedy yd ymwahano ac ef. a|r teulu. Teir
12
rann a dyly y vot o|r teulu. Yr hen rann. a|r rann
13
berued. a|r rann ieueingk. a phop eilnos y dyly
14
vot y·gyt a|r ranneu. a|r ran y bo ef ygyt a hi;
15
a dyly dewis y thy. a hyt tra vo ef ar y kylch
16
hỽnnỽ; y|dyly bot gỽydwyr idaỽ. dryssaỽr. a
17
sỽydwr bỽyt. a choc. a|r rei hynny a dylyant crỽ+
18
yn yr aniueileit a ladher udunt ỽy. a|r coc a
19
dyly y gỽer a|r dihynyon. a|r amysgar. A gỽedy
20
darffo udunt y kylch hỽnnỽ; aet ar y brenhin. a thri+
21
gyet ygyt ac ef hyt ympenn y vlỽydyn. ac ny dy+
22
ly mynet y ỽrthaỽ. kanys trydyd anhepcor brenhin.
23
yỽ y teulu. Y deu ereiỻ yỽ yr offeiryat teulu.
24
a|e ygnat ỻys. Pan vo marỽ y penteulu. y
25
brenhin. a dyly y varch. a|e arueu. a|e gỽn. a|e hebo ̷+
26
geu. a hynny yn ỻe y ebediỽ. kany dylyir ebediỽ
« p 7 | p 9 » |