NLW MS. Peniarth 32 (Y Llyfr Teg) – page 88
Llyfr Iorwerth
88
galanas. ae o achaỽs agheneu ereiỻ ny aỻo ef
kaffel y wlat yn brytuerth. kyfreith. a dyweit na diffyd
y briodolder hyt y naỽ·uet dyn. py amser byn+
hac y del o|e ouyn. ac ony byd ereiỻ ar y tir gỽe+
dy esgynnu yn briodoryon; dylyu o·honaỽ kỽ+
byl o|r a edewis. ac o|r byd ereiỻ gỽedy esgynnu
yn briodoryon yn|y erbyn; dylyu kyfreith gehyded y·ryg+
thunt a|chyfran. kanny dyly priodaỽr kychw+
yn rac y gilyd. Os y naỽuet dyn a|daỽ y ouyn
tir diffodedic o briodolder. hỽnnỽ a|dyt diaspat
am y vynet o briodaỽr yn ampriodaỽr. ac yna
y gỽerendeu kyfreith. y diaspat honno. ac y ryd kyf+
ran. Sef yỽ hynny; kymeint ac un o|r kyfriue+
di y bỽynt ar y tir yn eisted yn|y erbyn. a hon+
no a|elwir diaspat uchannỽn. a chyt dotter y
diaspat honno o hynny aỻan. ny warandewir
vyth. Ereiỻ a dyweit na|dyly y naỽuet dyn dodi
y diaspat honno; namyn y vynet yn amprio+
daỽr o briodaỽr. Ny dylyir gỽarandaỽ vn o|r te ̷+
ir haỽl hynn yn amser kaeat kyfreith. am tir a|daear.
Sef ynt y rei hynny. haỽl briodolder. a haỽl
dat·anhud. a haỽl ym·wrthryn.
H Erwyd gỽyr gỽyned ny dyly gỽreic caf+
fel tref·tat; kan ny dyly deu vreint o un
ỻaỽ. Sef yỽ hynny; tref·tat y gỽr. a|r eidi e|hun.
a chan·ny dyly hitheu tref·tat; ny dylyir y rodi
| « p 87 | p 89 » |