NLW MS. Peniarth 33 – page 12
Llyfr Blegywryd
12
ef Am|noduaeu ẏ|dẏwetpỽẏt kẏn
no hẏnn; werthon* ẏ|dẏ·wedỽn peth
a|dẏlẏir ẏ dalu dros sarhaet paỽb a|e
werth GArhaet* penteulu yỽ; t+
raẏan sarhaet ẏ brenhin. A|e wer+
th ẏỽ traẏan gỽerth y|brenhin. a
phob vn heb eur a|heb ariant Sar+
haet pob ỽn o|r rei hẏnn; nẏt am+
gen Distein. Penkynẏd. Pen+
guastraỽt. Braỽdỽr llẏs. Hebogyd
Guas ẏstauell. Morỽẏn ẏstaueỻ
naỽ mu. a|naỽ vgeint aryant Gue+
rth pob vn ohonunt ẏỽ; naỽ mu.
a|naỽ vgein mu. gan tri drychauel
Ereill a|dẏweit am|ẏ distein. ẏ|telir sar+
haet a galanas deudẏblyc idaỽ SA+
rhaet pob|vn o|r sỽydogẏon ereill
oỻ; ẏỽ|whe|bu. a wheugeint arẏant
Galannas pob vn ohonnunt ẏỽ; whe
bu. a|wheugeint mu. gan dri drẏ+
chauel PAn lather dẏn. y|sarha+
et a telir ẏn|gẏntaf. Ac odẏ+
na ẏ|werth. kannẏ eỻir llad
neb heb ẏ|sarhau. namẏn heb drẏ+
chauel ẏ|telir. Nẏ|bẏd drẏchauel ar
| « p 11 | p 13 » |