NLW MS. Peniarth 33 – page 14
Llyfr Blegywryd
14
ẏ|dẏlẏ gẏscu. a|r|gobennyd ẏ eistedo ẏ
brenhin arnaỽ|ẏ|dẏd. a|uẏd dan ẏ|ben
ẏnteu ẏ|nos. Guas ẏstauell. a|morỽ+
ẏn ystauell a|gaffant welẏ ynn|ẏr
ystauell Lletẏ drẏssaỽr neuad. a
drẏssaỽr ẏstauell ẏỽ tẏ ẏ|porthore*.
Penteulu a geiff ancwẏn ẏnn|ẏ lety
teẏr seic. a|thri chorneit o|lẏn. Teir
punt bop blỽẏdẏn a|geiff ẏnn|ẏ gy ̷+
fuarỽs ẏ|gan ẏ|brenhin. Punt ẏỽ
kyuarws pob vn o|r|teir|lu. O|r keiff
teulu brenhin anreith; ẏ penteulu a
geiff ran deuỽr o|r bẏd ygyt ac wẏ+
nt. Ac o|trayan y|brenhin ẏr vn llỽ ̷+
dẏn a|dewisso. Penteulu a|geiff ẏ
gan ẏ|vrenhines o|r med ẏd|heilo ẏ
distein arnei. corneit ẏmpob kẏfu+
edach. o|r|deila y|penteulu neb a wnel
kam ẏg|kynted ẏ|neuad; traẏan ẏ
dirỽẏ. neu ẏ camlỽrỽ a|geiff ef. Os
is gynted heuẏt ẏ|deila ẏn gẏnt no|r
distein ẏ|trayan heuẏt a|geiff. Y|e+
istedua a|uẏt ẏnn|ẏ tal issafd* ẏ|r ̷
neuad. a|r|teulu ẏg·ẏt ac ef. ar|y|ll+
aỽ asseu idaỽ at ẏ|drỽs. Mab ẏ|r
| « p 13 | p 15 » |