NLW MS. Peniarth 36A – page 2av
Llyfr Blegywryd
2av
tal y sarhaet teir gỽeith gan tri drychaf ̷+
el. Teir sarhaet brenhin ynt vn yỽ torri
y naỽd. llad dyn ar naỽd y brenhin. Eil
yỽ pan del deu vrenhin ar eu kyffinyd
y vynnu ymaruoll. or lledir dyn yn eu
gỽyd; sarhaet brenhin yỽ. Tryded yỽ;
kam·arueru oe wreic. Tri ryỽ sarhaet
yssyd y pob gỽr gỽreicaỽc vn yỽ y taraỽ
ar y gorff. Eil yỽ bot arall yn kam·arue ̷+
ru oe wreic. Tryded yỽ torri naỽd dyn a
allo rodi naỽd y arall trỽy gyfreith.
Val hyn y telir sarhaet brenhin; can
mu yghyfeir pob cantref oe arglỽydia ̷+
eth. a gỽialen aryant. kyhyt ac or llaỽr
hyt yg geneu y brenhin pan eistedo yn| y
gadeir. a chyn vrasset ae hir·vys. a thri
ban erni. a thri y·deni. kyn vrasset ar wi ̷+
alen. a ffiol eur. a anho llaỽn diaỽt y
brenhin yndi. a chlaỽr eur erni kyflet
ac ỽyneb y brenhin. kyn teỽhet vyd y
ffiol ar claỽr. ac ewin amaeth a amaetho
seith mlyned. neu pliscyn ỽy gỽyd. Yn| y
| « p 2ar | p 2br » |