NLW MS. Peniarth 36A – page 2bv
Llyfr Blegywryd
2bv
Gỽrthrychyat. nyt amgen yr etlig y
neb a dylyo gỽledychu gỽe+
dy ef a dylyir y enrydedu ymlaen
paỽb yn| y llys eithyr y brenhin ar ure+
nhines. a hỽnnỽ a uyd mab neu vraỽt
yr brenhin y| le a vyd yn| y neuad am
y tan ar brenhin. ac yn nessaf idaỽ y
braỽdỽr y·rydaỽ ar golofyn. ac yn nes ̷+
saf idaỽ. yr offeirat teulu. ac or parth
arall yr etlig. penkerd y wlat. gỽedy
hỽnnỽ nyt oes le dilys y neb or parth
hỽnnỽ. Gỽerth yr etlig kyffelyb y werth
y brenhin eithyr y trayan yn eisseu.
Gỽerth pob etiued arall or a perthyno
ỽrth y teyrnas yỽ trayan gỽerth y
brenhin. ac velly gỽerth sarhaet
pob vn ohonunt heb eur. a heb ary+
ant. Y brenhin bieu rodi yr etlig y
holl treul ae holl gyfreideu yn enry+
dedus. Y letty yỽ neuad y brenhin.
a chyt ac ef y bydant y maccỽyeit.
y kynnudỽr a dyly kynneu tan yr
| « p 2br | p 3r » |