NLW MS. Peniarth 36A – page 70r
Llyfr Blegywryd
70r
y greir. tystolyaeth lleidyr ar y gytleidyr
ỽrth y groc. a thystolyaeth nyt elher yn| y
herbyn pan dyccer ar eir. A thystolyaeth y
TRi lleidyr camlyryus [ gỽrthtyston.
yssyd; lleidyr ki. a lleidyr llysseu yny
tyfhont or dayar. a lleidyr a tyster arnaỽ
yn gỽadu lletrat ony llyssa. Tri lleidyr
dirỽyus yssyd. lleidyr hyd brenhin gỽedy
as llatho y gỽn. a lleidyr y pallo y reith
idaỽ. a lleidyr a latho llỽdyn y dyn arall
yn| y ty. neu yn| y vuarth yn lletrat. Tri
lleidyr gỽerth yssyd. lleidyr y kaffer dogyn
vanac arnaỽ trỽy eglỽys. a chytleidyr
lleidyr a groccer am letrat. a lleidyr a dal ̷+
her gỽerth pedeir keinhaỽc gantaỽ o da
marwaỽl yn lletrat. Tri lleidyr croga ̷+
dỽy yssyd. lleidyr da bywaỽl a dalher vn
llỽdyn ar y liỽ gantaỽ. A lleidyr da marw+
aỽl a dalher gỽerth pedeir keinhaỽc gantaỽ
neu a uo mỽy. a lleidyr da bywaỽl a dalher
croen ar y liỽ gantaỽ ac ny diheurer am
y llỽdyn o gỽbyl. Tri lleidyr a dieinc o letrat
| « p 69v | p 70v » |