NLW MS. Peniarth 38 – page 12r
Llyfr Blegywryd
12r
y dylyet. ac odyna arglỽyd a|dyly kymhell
y vechni dros y marỽ Os y kynnogyn|a
vyd marỽ. a|r mach yn vyỽ. y|mach a dy ̷ ̷+
ly dỽyn y vechni dros y|marỽ yn gyffe ̷+
lyp y hynny gan tygu e|hunan ar ved
y kynnogyn. ac yna y teir ach nessaf id ̷ ̷+
aỽ a talant y dylyet. Kyt dycco mach
y vechniaeth yn erbyn llỽ yr arglỽyd.
ny chyll yr hynny na dirỽy na|chamlỽrỽ
o gyfreith N·y dyly neb rodi alltut yn
vach. na neb a vo kadarnach noc ef.
na mynach na braỽt; heb genhat eu
habat. nac yscolheic yscol heb ganhat
y athro. na gỽreic onyt arglỽydes y
talaỽdyr. na mab heb ganhat y tat tra
dylyho vot drostaỽ. kyt el y rei hynny
yn veicheu; ny dylyir kymhell mech ̷+
ni neb ohonunt. Tri lle yd ymdiuei ̷ ̷+
cha mach kyfadef am dylyet aghyfa ̷ ̷+
| « p 11v | p 12v » |