NLW MS. Peniarth 45 – page 113
Brut y Brenhinoedd
113
a|e hanreithaỽ o|tan a chledyf a|hayarn o|r
mor pỽy gilyd. Ac yna anuon llythyreu
a oruc y bryttanneit hyt yn ruuein. A|dagreu+
aỽl cỽynuan yndunt gan adaỽ tragywy+
daỽl darestygedigaeth a|theyrnget udunt
yr ellỽng canhorthỽy attunt y rydhau y gan
y gelynyon. Ac odyna yd anuonet lleng
o wyr aruaỽc attunt. Ac gỽedy eu dyfot
ynys. prydein. ymlad a|e gelynyon a|e dehol o
teruyneu ynys. prydein. a|rydhau y pobyl o ge+
ithiwet y gormessoed hynny. Ac yr gỽrth+
lad gormessoed yd archyssei seuerus am+
heraỽdyr gynt gỽneuthur mur rỽg deif+
yr ar alban o|r mor y gilyd Ca+
nys yr alban y gnotaei pob gormes dyf+
ot o|r a delhei ynys. prydein. Ac yna y caỽssant
yn|y kyghor gwyr ruuein. ac ynys. prydein. atne+
wydhau y mur hỽnnỽ a|e cỽplau o|r mor y
AC gỽedy cỽplau y gỽ +[ gilyd.
eith hỽnn ỽ. y menegis gwyr ruuein.
yr bryttanneit na ellynt hỽy llauuryaỽ na
chymryt perigyl na threulaỽ eur ac aryant
ar uor ac ar tir yn amdiffyn pobyl kyn les+
get ac wynt rac crỽydredigyon ladron
a gormessoed. A bot sened ruuein. yn blinaỽ yn
treulaỽ eu da yn wastat ar uor ac ar tir
| « p 112 | p 114 » |