NLW MS. Peniarth 45 – page 75
Brut y Brenhinoedd
75
1
yd oed ulkassar. Ac estỽng rac y uron a dywe+
2
dut ỽrthaỽ ual hyn. llyma weithon amlỽc yỽ
3
bot yn digaỽn ry dieleist ti llit ar caswallaỽn.
4
Gỽna weithon trugared ac ef. Beth a uyn+
5
ny ti y gantaỽ ef amgen noc darestynge+
6
digaeth a|thalu teyrnget y ruueinyaỽl te+
7
ilygdaỽt o ynys prydein. Ac gỽedy na rodes atteb
8
idaỽ y dywaỽt auarỽy ỽrthaỽ ual hyn. Ti+
9
di ulkassar heb ef. Hyn a edeweis i yti Gwe+
10
dy goruydut ar casswallaỽn. teyrnget o ynys
11
prydein. llyma casswallaỽn. gwedy goruot ar+
12
naỽ. llyma ynys prydein. yn darestygedic yti trỽy
13
uy nerth i am canhorthỽy. Beth a dylyaf ui
14
y wneuthur ym blaen y ti. Nyt ef a|wnel duỽ
15
ymi. diodef daly caswallaỽn. Nae carcharu uy ar+
16
glỽyd i. Ac ynteu yn gỽneuthur iaỽn y mi. Am
17
y sarhaet ar wnathoed imi. Ednebyd di ulkas+
18
sar nat haỽd llad caswallaỽn. A miui yn uyỽ. y
19
gỽr nyt kewilyd genhyf rodi uy nerth idaỽ
20
ony bydy ti ỽrth uyg kyghor i. Ac rac o+
21
uyn auarỽy. arafhau a oruc ulkassar a|th+
22
agnhouedu a|chasswallaỽn. A chymryt teyrn+
23
get o ynys prydein. pob blỽydyn o aryan lloy+
24
gyr. teir mil o punhyeu. Ac yd aethant
25
yn gedy mdeithon ulkassar a|chaswallaỽn
« p 74 | p 76 » |