NLW MS. Peniarth 46 – page 205
Brut y Brenhinoedd
205
a gocha o|e mamaỽl ỽaet. a thi corineus
a lad y hỽe broder. llidyaỽ a|ỽnaeth yr al ̷ ̷+
ban. ac yny bo kyt·alỽedic y hystlysseu
y llauurya y dineu gỽaet. Eryr torr
y|gyghreir aerua hỽnnỽ. ac yn|y trydy
nyth y|llaỽenhaa. Yna y deffry y|kanaỽ+
on ac y|ruthrant. ac yny|bỽynt adaỽe+
digyon y llỽyneu. o uyỽyn muroed y ke+
yryd yd|helyir. aerua nyt bechan a|ỽn+
ant y|r a|e gỽrthỽynepo. a|thauot y|teirỽ
a trychant. Mynygleu y|rei a|ureuont
a orthrymant o gadỽyneu. a hen amse+
roed a|atneỽydhant. O·dyna o|r gynntaf
y|r petỽared. O|r petỽared y|r tryded. O|r
tryded y|r eil y|troir baỽt yn oleỽ. Y|hỽe+
chet a|diỽreida muroed y|iỽerdon. a|e llỽ ̷+
yneu a symut yn ỽastadrỽyd. Odyna y
gobryn canmaỽl yr|holl·gyuoethaỽc.
ac yrỽg y gỽynuydedigyon y|kyflehe+
ir. O hỽnnỽ y kerda linx a|erchyruyn ̷+
ha pob peth yr hỽnn a|ymdynnyc y pri ̷+
| « p 204 | p 206 » |