NLW MS. Peniarth 46 – page 348
Brut y Brenhinoedd
348
a|oruc ef at catỽallawn y|uenegi hynny. ac
gỽedy honeitaỽ hynny dros ỽynep teyr+
nas. ynys. prydein. y|doeth peanda tyỽyssaỽc mers
a|llu maỽr o|r saesson gantaỽ am benn
exon y|dinas o yd|oed vreint hir a|dechreu
ymlad ac ef. ac ar hynny na·chaf catỽallawn
a|deg mil o|uarchogyon aruaỽc yn borth
idaỽ o ỽyr llydaỽ. a gỽedy eu dyuot lle y
gỽelei y caer rannu y|uarchogyon a|oruc
yn pedeir bydin. a|chyrchu y|elynyon. ac
ar dechreu yr ymlad daly peanda. a|llad an+
eiryf o|e lu. a|gỽedy gỽelet o peanda nat
oed fford amgen. gỽrhau a|ỽnaeth y|cat+
ỽallaỽn. a|mynet ygyt ac ef y ymlad a|r
saesson ereill. a|dyuynnu attu y|ỽyrda. ynys.
.prydein. a|oed ar|digrein. a|mynet ar|torr edỽin
trỽy humyr. ac anreithaỽ y|gỽladoed o|bop
tu. a|dyuot a|oruc edỽin ac a|oed un ac
ef o|r saesson yn erbyn catỽallaỽn hyt
y|maes edelflet a|rodi cat ar|uaes udunt
a|thrỽy ỽeledigaeth duỽ ar dechreu y|urỽy+
dyr y|llas edỽin. ac offrin y|uap. a|godbolc
urenhin. orc. a|chann mỽyaf y|llu ygyt ac ỽy.
| « p 347 | p 349 » |