NLW MS. Peniarth 46 – page 5
Brut y Brenhinoedd
5
bu varỽ. ac velly y|lladaỽd y|vam. a|r
mab a rodet ar|vaeth. ac y dodet brutus
arnaỽ. ac gỽedy meithrin y mab a|e vot
yn pymtheg|mlỽyd. diỽarnaỽt yd oed
y gỽas yn hely gyt a|e dat. ac val yd o+
edynt velly nachaf carỽ yn kerdet hei+
baỽ. Sef a|oruc brutus anelu bỽa. ac
ellỽg saeth. ac yn keissaỽ llad y karỽ
y gỽant y dat a|r saeth ydan y|vronn ac
y bu varỽ. ac velly y lladaỽd y dat. ac
gỽedy marỽ y|tat o|r ergyt hỽnnỽ y|de+
holes gỽyr yr eidal brutus. kanyt oed
teilỽg gantunt kymryt yn vrenhin ar+
nunt gỽr a|ladhei y|vam a|e dat. a gỽe+
dy y dehol y* daeth* yntev hyt yg|roec ac
y gỽelas gỽelygord o|etiued helenus vap
priaf yg|keithiỽet ydan prandrasus
vrenhin groec. Pirr vab achil a|dugassei
y genedyl honno gantaỽ o|trea yn|dial
y dat. ac a gỽarchayassei ỽynt yg|keithi+
ỽet yn·gyt a|hynny o amser. a gỽedy ̷
| « p 4 | p 6 » |