Breudwd Welsh Prose 1300-1425
Cymraeg

NLW MS. Peniarth 8 part i – page 27

Ystoria Carolo Magno: Chronicl Turpin

27

1
maen dewis y|ymlad idaw. Ay vgeint yn erbyn vgeint
2
Ay deugeint yn erbyn deugeint. Ay cant yn erbyn cant
3
Ay mil yn erbyn mil. Ay dev yn erbyn dev. Ay vn yn erbyn
4
vn. Ac yna yd anvones aygolant cann marchawc yn erbyn
5
cant o|wyr cyarlymaen Ac y|llas oll y|sarasscinieit. Ac eilweith
6
yd anvones aygolant yr eil cann wr o ordethol y|ymlad ar
7
kant hynny. Ac y|llas y|sarasscinyeit oll. Ac yna yd anvones
8
aygolant dev cann marchawc yn erbyn dev cant y|cyarlym  ̷+
9
aen ac y|llas y|sarasscinieit oll. Odyna yd anvones aygolant
10
dwy vil yn erbyn dwy vil. Ac ar ny las or. sarasscinieit a|ffo  ̷+
11
assant. Odyna yd aeth aygolant y|trydyd dyd y|goylyaw pwy
12
a|orffej ay euo ay cyarlymaen. Ac yna y|kauas ar y|goel gor  ̷+
13
vot ohonaw ef ac oy wyr. Ac yna yd anvones yntev ar cyar  ̷+
14
lymaen dyuot trannoeth or dev lu ygyt y|wybot pwy a|or  ̷+
15
ffei onadunt. A|hynny a|orvgant. Ar nos honno paratoi
16
ev haruev a|orvc y|cristonogyon ac ev kyweiryaw erbyn y
17
vrwydyr drannoeth. A gossot ev gleifyev yn ev seuyll yn|y
18
dayar rac bronn ev pebyllev yn|y gweirglodyev ger
19
glann yr avon. A|phan doethant drannoeth y|edrych ev
20
haruev yd oydynt yn tyvv or dayar ar lle arnadunt
21
ac a bric deilyawc. Nyt amgen y|rei a|gymerej onadunt
22
palym merthyryolaeth dros ffyd duw yn|y kyfrang kyn  ̷+
23
taf. Ac eithyr y|may kennat ryvedu a|orvgant y|gwyrth  ̷+
24
yev dwywawl hynny ay ysgrivennv a|orvgant. A|thorrj ev
25
peleidyr a|orvgant yn gyvvch ar dayar. Ac or hynn a ede  ̷+
26
wit yno y|tyvawd koet mawr. Ac y|may ettwa yr onn
27
or peleidyr onn. Peth anryved a|llewenyd mawr
28
 yr eneidyev a|diruawr gollet y|gorffored. beth
29
odyna yn|y kyfranc hwnnw y|llas devgein mil o|gristo  ̷+
30
nogyon. Milo tat rolant a|gymyrth palym merthy  ̷+