Oxford Rawlinson MS. B 467 – page 32r
Meddyginiaethau
32r
ar vn tu a dieu ẏ bẏd iach. Rac gloesson
kẏmer sugun ẏ|funẏgẏl a|r traen o|vel. a|phẏ+
pẏr. a|vinegẏr ac ẏf a|da ẏỽ. Rac attal pis+
saỽ gỽna blastẏr o|r dẏnat coch a|r persin a
dot is dẏ|uogel. Y ỽaret dẏn a d gỽ+
na blastẏr o|r risc vchaf ẏ|r helic a|gỽin+
egẏr a hẏnnẏ a|e gỽna ẏn iach. Rac dol+
ur dỽẏuron kẏmer laỽer o|eirin ẏ|koet a
mortera ẏn fest a chẏmẏsc a|chỽrỽf ne+
ỽẏd a dot mẏỽn krochan prid neỽẏd y+
n|ẏ daear dros ẏ ẏmẏleu a|gad veỻẏ ix
nos a|ixdieu a dẏro ẏ|r claf ẏn gẏntaf
ẏ|boreu ac ẏn diỽethaf ẏ nos. Y neuthur
gỽinegẏr dot heid glan mẏỽn gỽin nos+
sỽeith a|diỽarnaỽt. Y gẏfannu asgỽrnn
briỽ lẏsseu meir drỽẏ ỽin a|phẏpẏr a|mel
ac ẏf naỽ prẏt. Y ỽeỻau golỽc kẏmer|su+
| « p 31v | p 32v » |