Oxford Rawlinson MS. B 467 – page 78r
Meddyginiaethau
78r
Kẏmer bẏpẏr. a|rẏc a llinat. a wermot arall.
a sẏch ẏ|rei hẏnnẏ igẏt a|gỽna bỽdẏr a dot ar+
Be* |ssaỽl amrẏỽ glefẏt o graỽnn ẏssẏd [ naỽ
Deu vn tỽẏm. ac arall oer. ẏ tỽẏm ẏssẏd be+
rẏkla o|r ddeu a|ffroeneu ehalaeth iddaỽ. a|r
oer ẏssẏd a|ffroeneu kẏfing; Ac o achaỽs hẏn+
nẏ reit ẏỽ amrẏỽ veddeginẏaetheu vddunt
kanẏs ẏ|gỽressoc ẏssẏd reit i veddeginẏaethu
a|phetheu oerfelaỽc. a|r|petheu oerfelaỽc a
phetheu gỽressoc.
Ual hẏnn ẏ iacheir ẏr oerfelaỽc ddolur hỽnnỽ
Kẏmer sud ẏ lancel. a gỽẏnn wẏ. a|blaỽt rẏc a
gỽna ẏn does a dot ar ẏ|dolur a|gat wrthaỽ hẏt
pann ddẏgỽẏddẏaỽ e|hunan. a iach vẏd.
Meddeginẏaeth dros ẏ|kic a|ddreỽo ac a vo gỽres+
saỽc. Kẏmer gann rẏc a mel gloeỽ a|gỽna ẏn do+
[ es
| « p 77v | p 78v » |