BL Cotton Cleopatra MS. A XIV – page 76r
Llyfr Cyfnerth
76r
a gouyn udunt ae mach hỽn ae nat
mach. mach heb yr| haỽlỽr. na uach heb y
talaỽdyr. Yna y mae iaỽn gouyn yr mach
a| ỽyt uach ti. mach heb ynteu. nac ỽyt
vach heb y talaỽdyr y| genhyf i ar dim.
heb y mach yr gyfreith y dylyỽyf i. mi ae
canhebrygaf. Ac val y mae iaỽn y minheu
mi ae diwadaf heb y talaỽdyr. Yna y mae
iaỽn barnu reith canyt oes eithyr vn taua ̷+
ỽt y mach yn gyrru vn tauaỽt y talaỽdyr
y wadu. kymryt or braỽdỽr y creir yn| y laỽ.
a dywedut ỽrth y talaỽdyr. Naỽd duỽ ra ̷+
got a naỽd dy arglỽyd na thỽg anudon.
OS tỽg tyget y duỽ yn| y blaen ac yr creir
nat mach y| gantaỽ ef nac ar a dyweit
nac ar| dim. Ony ỽrth·tỽg y mach arnaỽ
tra uo yn rodi y eneu yr creir. talet y
mach y dylyet can adeuỽys y| uot yn uach
A| bit ryd y talaỽdyr. OS gỽrthtỽg
a| wna y mach. dyget y talaỽdyr y reith.
Nyt amgen y lỽ ar y seithuet. Or canhata
| « p 75v | p 76v » |