BL Cotton Titus MS. D IX – page 61v
Llyfr Blegywryd
61v
talu dim idi tra|gynnhalyo hi y|gỽeithret.
ac o|r byd honneit y|gỽeithreit*. Y wreic a
dyly talu y|sarhaet y|r gỽr. neu y|gỽr a|e
gỽrthotto yn ryd. O|R dỽc gỽr gỽreic yn
llathrut a|mynet ygyt a|hi y|ty vchelỽr.
kymeret yr vchelỽr vach y gan y|gỽr ar
y holl iaun y|r wreic kynn o chyscu ygyt
ohonunt. DJffeith morỽyn brenhin y|dy+
ỽedir morỽyn. ac vrth hynny y|dyly y
brenhin y hamobyr.
G Obyr merch brenhin yỽ; whephunt.
ac y|r vam y|telir. kannys tir vyd
y|chowyll. Y|meint a|ỽelho y|gỽr
y|vot yn iaỽn. pedeir punt ar|dec vyd y|hỽ+
egỽedi Gobyr merch pennkenedyl yỽ punt.
Gobyr merch vchelỽr yỽ; wheugeint.
Gobyr merch bilaein yỽ; pedeir ar|hu ̷+
geint. Gobyr merch bonhedic canhỽyn+
naỽl; pedeir ar|hugeint. Gobyr alltudes yỽ;
pedeir ar|hugeint. Megys y|dyly y|gỽr ro+
di meicheu dros y|hegỽedi. velly y|dyly re+
eni y|vorỽyn rodi meicheu na wnnel hith+
eu goỽc* yn erbyn y|gỽr priaỽt.
P Vnt yỽ gỽerth gỽestua brenhin.
Wheugeint dros y|vara. a|thri+
vgeint dros y enllynn. a|thriv ̷+
| « p 61r | p 62r » |