Cardiff MS. 1.362 (Hafod 1) – page 44r
Brut y Brenhinoedd
44r
a dywedy ti a uu eidunt ỽy uy rieni ineu; min+
heu a rodaf yn ganhorthỽy itti. Gustenin vy mra+
ỽt a dỽy|uil o uarchogyon y gyt ac ef y edrych
a uynno duỽ idaỽ allu distryỽ y gormeisseit. A
chymeret ef y goron e hun. O|r myn duỽ idaỽ y
chaffel. Ac yny adaỽaf|i mỽy o wyr yn aỽr rac
ryuel o freinc dyuot ymma. A|e diolch a|wna+
eth y yr archescob idaỽ yn uaỽr; Ac yn|y lle
galỽ custenhin. a dywedut ỽrthaỽ val hyn. Crist
a oruyd heb ef. crist a wledycha. crist a orchyuyc+
ca; llyma vrenhin ynys prydein. Beth gỽedy hyn+
ny yn|y lle gỽedy bot y llongheu yn paraỽt kych+
AC yna dyuot [ wyn a|wnaethant y ynys prydein.
y porth tutneis yr tir. Ac yn diannot kyn+
nullaỽ y brytanyeit y gyt ac ỽynt a chyrchu
y gelynyon. Ac ymlad ac ỽynt. a chaffel y uu+
dugolyaeth. A gỽedy mynet hynny yn honneit
tros ỽyneb y teyrnas ymgynullaỽ a|wnaeth
y brytanyeit hyt yn cyrcestyr. A gỽiscaỽ coron
y te·yr·nas am pen custenhin. vendigeit.
A rodi gỽreic idaỽ a hanoed o dylyedogyon rufe+
in; ac a uagyssit yn llys a kuhelyn; Ac o|r
wreic honno y bu idaỽ tri meib; Sef oed y rei hyn+
ny; Constans ac emrys ac uthur|pendragon;
A chonstans a rodes ef y mab hynaf idaỽ ar
vaeth y vanachloc amphibalus yg kaer wynt.
Ac y ydy wneuthur yn vanych. Ar deu vab ere+
ill a rodet ar cuhelyn archescob. Ac ym pen de+
udec mlyned gỽedy hynny y doeth vn o|r effich+
| « p 43v | p 44v » |