Breudwd Welsh Prose 1300-1425
Cymraeg

Cardiff MS. 1.362 (Hafod 1) – page 86r

Brut y Brenhinoedd

86r

1
ymgoffau ac an milỽryaeth. ac hynny ỽynt a|doeth+
2
ant hyt yn tỽr y ceỽri.
3
A Gỽedy kyueisted paỽb o·nadunt herwyd y an+
4
ryded arthur a dywaỽt ual hyn. argỽydi* vyg
5
kytuarchogyon prouedic y keueis ych kyghoreu
6
eirioet hyt hyn yn rỽyd. ac yn dyrys. Ac ỽrth
7
hynny synhỽrỽch yr aỽr hon. A medylyỽch o vn vryt
8
py atteb a dylyỽn y talu yn erbyn yr ymadrodyon
9
hyn kans by beth bynhac a racuedylyo doethon yn
10
da pan deler ar weithret haỽs vyd y odef a heuyt hei*+
11
wyd a tybygaf|i nyt reit ymi ofyn gỽyr rufein. kans
12
trỽy anlyet y maent ỽy yn keissaỽ teyrnget o ynys
13
prydein ỽrth dyuot vlkessar ac ymherodron ereill gỽe+
14
dy ef a llu maỽr gantunt ac o|treis ac vnundeb*; an
15
rieni nyneu. a gỽarescyn y wlat. a|e gỽneuthur yn
16
trethaỽl vdunt trỽy treis a chribdeil. A phy beth
17
bynhac a dyker trỽy treis a chymell ny dylyir kaffel
18
kedernyt yỽ gynhal. Ac|ỽrth hynny kan ydiỽ yr ym+
19
heraỽdyr rufein trỽ* anlyet yn keissaỽ yn bot ni yn
20
trethaỽl idaỽ ef ninheu trỽ* dylyet a jaỽn a|holỽn te+
21
yrnget idaỽ ynteu. o rufein ar kadarnaf o·honam kym+
22
eret y gan y gilyd. kans o gỽerescynỽys vlkessar ac
23
ymherodron ereill ynys prydein oc eu kedernyt. Ac o|r
24
achaỽs hỽnnỽ kymell teyrnget o·honai yn|aỽr yn
25
kynhebic y hynny. mineu a varnaf dylyet o·honaf
26
ineu teyrnget o rufein. kans vy rieni yneu gynt
27
a waryscynassant rufein. nyt amgen. beli. a bran.
28
meibon dyfnaỽl moel mut ac a grogassant y pedỽar
29
gỽystyl ar ugeint rac bron y|gaer ac a vu eidunt y