Cardiff MS. 1.363 (Hafod 2) – page 144v
Brut y Brenhinoedd
144v
gwedy y arderchokaỽ ef o|r brenhynyaỽl
anryded hỽnnỽ kan gadw o·honaỽ y gnota+
edyc deỽaỽt y haylder ed ymrodes. Ac|ody+
na kymeynt o amylder marchogyon a lythr+
ynt attaỽ. a megys e dyffygyey ydaỽ da ar ro+
dey vdỽnt en ỽynych. Ac eỽelly pa dyw byn+
nac e bo hayder* annyanaỽl y gyt a molyant
ket boet eyssyeỽ arnaỽ ar espeyt neỽ amser.
eyssyoes nyt arkyweda gwastat aghanoctyt
ydaỽ yr henny. Ac wrth henny arthỽr kanys
molyant a kytymdethokaey haylder a dao*+
ny. llwnyethỽ a medylyaỽ ryỽelỽ ar saysson
hyt pan ỽey oc eỽ golỽt wynt e kyỽoethogey
enteỽ y teylw a|e ỽarchogyon. kanys yaỽnder
a dyskey henny kanys ef a dyley o treftadavl
delyet llywodraeth holl enys prydeyn. Ac|o|r
dywed kynnwllaỽ a orỽc er holl yeỽenctyt
a oed darystynghed* ydaỽ a chyrchỽ parth a
chaer efraỽc. A gwedy gwybot o colgrym
henny kynnvllaỽ a orỽc enteỽ e saysson. ar
escottyeyt. ar ffychtyeyt ac y gyt ac aneyr+
yf lỽossogrwyd nyfer kanthaỽ en|y erbyn
| « p 144r | p 145r » |