Cardiff MS. 3.242 (Hafod 16) – page 103

y geluydyt dibericlaf a|dewissaỽd. Ac ual yd oed defaỽt gan athraỽ+

on y geluydyt honno. erchi idaỽ pob peth o|r a|wnathoed o|da

kyn·no hynny ymdiwat ac ef. ac ymwrthot a|e hoỻ gristono+

gaeth. yny vei diuỽyn idaỽ bop peth o|r a|wnathoed o|da kyn

no hynny. ac a|rinwedeu duỽ. ac a|r archengylyon a|r engylyon

a hoỻ radeu nef. a|r proffỽydi. a|r padrieirch. a|r|ebystyl. a|r mer+

thyri. a|r confessoryeit. a|r gỽerydon. a|r hoỻ seint. ac a|diodefa+

ỽd yr duỽ. ac a phoenouein crist uab duỽ yn|y groc. yny vei

divỽyn idaỽ ef bop pỽngk yn|y ffyd gatholic. a rodi gỽrogaeth

o|e eneit a|e gorf y hoỻ dieuyl uffern. a hynny oỻ a|oruc ynteu

o arch yr|athr*. ac. o garyat y vorỽyn. kyt bei gỽrthỽyneb gan

y gristonogaeth. A phan erchit idaỽ ymwrthot a|r arglỽydes

veir ac a|e radeu ac a|e rinwedeu. Medylyaỽ a|oruc ynteu nat oed

ford idaỽ yd ymwarettei o hynny onyt trỽy y heiryaỽl hi. a ry

dodi o·honaỽ ynteu eiryoet kynno hynny y hoỻ ymdiret ar+

nei hi. Ac yna y kafas yn|y gyngor peidyaỽ a|e|hoỻ darpar

ac ymchoelut dracheuyn heb dim o|r geluydyt. a|bỽrỽ y oual

a|e bryder a|e obeith ar yr arglỽydes ueir. A|ỻawer yd oed trymach

y vedỽl a|e vryt ganthaỽ yn ymchoelut o dinas tỽlet noc yn

dyuot idaỽ. Ac ual y|doeth gyntaf y baris. kyrchu a|oruc y eglỽ  ̷+

ys veir. ac adoli delỽ yr arglỽydes seithweith. a|r delỽ a adoles idaỽ

ynteu y geniuer y* geniuer* gỽeith a|hynny. Ny rodet y neb eis+

soes weledigaeth nac ardangos ar hynny namyn y|r uorỽyn

e|hun a|oed yn|y|ỻe y gnottaei drachefyn hynny yn gỽediaỽ.

A phan ymchoeles yr ysgolheic drachefyn o|e wedi. y kyuodes

y vorỽyn yn|y erbyn. ac y dilynaỽd arnaỽ. pa|beth a|wnathoed

ef yr yr arglỽydes ueir pan wnelei y|delỽ hi o|waredogrỽyd yr+