Oxford Jesus College MS. 20 – page 28r
Ymborth yr Enaid
28r
na mirr na gwtt na bam na sinam na chassia na
neb ryỽ ireit gỽyrthuaỽr a|e kyffyly+
pei. Ac velly yd oed y gỽynuydedic ne+
faỽl uab yn kyflenwi y pump synny+
ỽyr o serch y radeu ef e|hun. nyt amgen
o anueidraỽl degỽch yn kyflenwy yr
olỽc. O arafber barabyl dygrifỽch yn
kyflenwi y klywedigaed*. o ber wrychy ̷+
on melys a deuhynt o wanedigyat y
gweuusseu. Ac o van dagreu y ỻygeit
a syrthynt yn|y caỻonneu yn kyflenwi
y safỽrblas. Ac o|r yspryt anadyl·wy ̷
hynyat yn kyflenwi yr arogleu. Ac
o dynerder yr ysprydaỽl gnaỽt kyme ̷+
redic o|r yspryt glan. a ganedic o veir
wyry yn kyflenwi y pumhet synnỽyr
kyffredin y|r corff oll. Sef yỽ hỽnnỽ kyf ̷+
lad neu gyhỽrd. ac nyt ryfed y greaỽ ̷+
dyr y pump synnỽyr eu kyflenwi o|e
radeu ef. ac yna y syrthyaỽd y braỽt
geir·bron yr eurmab yn|y varỽ·lew·yc
| « p 27v | p 28v » |