Oxford Jesus College MS. 20 – page 48v
Saith Doethion Rhufain
48v
ef. Ny|s dywedaf ytt ony rody dy
gret ar dihe nydyaỽ y mab a·uo+
ry. llyma vy g|kret y dihendyir*.
M J a giglef gynt vot amheraỽdyr
yn rufein. a chwanoccaf dyn
o|r byt y da bydaỽl oed. A gwedy dar+
uot idaỽ gasglu a chynnull ỻoneit
tỽr o eur ac aryant a|thlysseu maỽr+
weirthaỽc ef a|ossodes kebyd kyuo+
ethaỽc ofnaỽc yn geitwat ar y da.
Sef yd oed gỽr gotlaỽt kallonnaỽc
yn|y dinas. a gwas ieuangk dihauarch+
lym yn vab idaỽ. A|r gỽr a|e vab a doeth+
ant hyt nos am benn y tỽr ac a|e tor+
rassant ac a dugant a vynnassant
o|r da. A thrannoeth pan doeth y keit ̷+
wat y edrych y tỽr. neur daroed dỽyn
diuessured o|r da yn ỻedrat. Ac yna yn
ystryw·gaỻ medylyeit a oruc y keit+
wat a gossot kerỽyneit o lut ardyme+
| « p 48r | p 49r » |