Oxford Jesus College MS. 57 – page 151
Llyfr Blegywryd
151
andylyet idaỽ yn un gymỽt. neu yn un gan+
tref. a|r rieni a|e dylyo trỽy teir oes rieni o bop
parth yn|dangnefedus heb gyffro haỽl am·da+
naỽ yn ỻys. heb losc ty. heb torr aradyr o eisseu
kyfreith. ny dyly gỽrtheb y rei hynny ohonaỽ
wedy teir. kanys kayedic yỽ kyfreith y·ryng+
thunt. Y neb a|odefo rodi tref y dat neu y
uam y araỻ yn|y wyd yn|dangnefedus. heb
wahard heb erbyn dywedut. kyt as|gouynho
ny warandewir o gyfreith yn|y oes. Y etiuedy+
on hagen a|e keiff os gouynnant ẏn gyfreitha ̷+
ỽl. Ny chae kyfreith rỽng brenhin a|e tir
dylyet yn|ỻei yspeit no chann mlyned. Gỽe+
dy bo rann odefedic rỽng kytetiuedyon ar
tir. nyt oes un iaỽn y vn ohonunt ar rann
y ỻaỻ. ac etiued idaỽ dyeithyr o atrann pan del
y hamser. Pỽy|bynnac hagen ny bo etiued
idaỽ o gorff. y gyt·etiuedyon nessaf o vyỽn
y teir ach o|r kyff a|uydant yn ỻe etiuedyon
idaỽ. Ny dichaỽn neb o gyfreith dilyssu tir
| « p 150 | p 152 » |