Oxford Jesus College MS. 57 – page 179
Llyfr Blegywryd
179
hynn a|vu yng|gỽyd ỻys y perthyn. Deturyt
gỽlat gỽirioned a|dengys myỽn ỻys am yr
hynn a|vu yn apsen ỻys. Trydyd aruer yỽ.
kynnal amser kyfreithaỽl y wneuthur grym
a chrynodeb myỽn dadyl. megys amser tystu
neu diuỽynaỽ tystolyaeth uarỽaỽl. neu y
lyssu tystolyaeth vywyaỽl. neu y alỽ gỽy+
bydyeit. neu o|e gỽrthneu. neu o|e ỻyssu neu
amser ymwystlaỽ am varn. amser tystu yỽ;
pan|darffo kaeu ar y dadyl yn erbyn haỽlỽr
ot edewir dim o|r haỽl heb wadu neu amdif ̷ ̷+
fyn. neu o|r dyweit yr haỽlỽr. neu yr amdiffyn+
ỽr. dim yn gam neu yn anghyfreithaỽl. O|r
dyweit un ohonunt geir cam parth a|r ỻaỻ.
ny pherthyn y holi o hynny. nam·yn tystu
arnaỽ yn|deisyfedic. Marỽaỽl yỽ. pob tystoly+
aeth dyeithyr y rei hynny. Y neb a vynno
ỻyssu tystolyaeth varỽaỽl. aet yn erbyn y
neb a|e tysto. Y neb a vynno ỻyssu tystolyaeth
vywyaỽl. aet yn erbyn y tyston. yn gyntaf
| « p 178 | p 180 » |