Oxford Jesus College MS. 57 – page 242
Llyfr Blegywryd
242
chyỻ y mab hitheu y dylyet o vamỽys. Try+
ded yỽ. gỽreic a|rodho kenedyl y|ngwystloryaeth
aỻtuded. ac yn|y gỽystloryaeth hỽnnỽ kaffel
mab o·honei o aỻtut. y mab hỽnnỽ a|dyly mam+
mỽys. Nyt|oes un wreic a ym·rodho e|hun y
aỻtut a|dylyo y meibyon vamỽys. Rei a|dyỽ+
eit am veibyon y ryỽ wraged hynny kyt bỽ+
ynt treftadogyon nat ynt priodoryon. Y gyfreith.
eissoes a|dyweit na chỽyn priodaỽr rac ampri+
odaỽr. ac y kychỽyn priodaỽr rac meibyon y
ryỽ wraged hynny ae ar gỽbyl. ae ar beth. ac
ỽrth hynny y gat y|gyfreith y rei hynny yn
briodoryon. a|r gyfreith. eissoes a|dyweit. o|r|byd sỽ+
yd o|r|tir hỽnnỽ. na cheiff ef dim ohonunt
hyt y trydygỽr. kanys gỽeỻ yỽ breint priodaỽr
o|e|gyngỽarchadỽ ar tir. nocyt un newyd dy+
uot. ac yn|y trydygỽr y byd hỽnnỽ yn|digaỽn
gỽarchadỽ. Ony byd hynn a|damchỽeinaỽ caf ̷+
fel o gymraes mab o bennaeth aỻtut yn gyfre+
ithaỽl. ac y hỽnnỽ y gat y gyfreith y sỽyd yn
diannot a|e vreint. kanhỽynaỽl o|deheubarth ny
| « p 241 | p 243 » |