Oxford Jesus College MS. 57 – page 281
Llyfr Blegywryd
281
ganthaỽ dygymmot a|r|arglỽyd no mynet dan
y reith ny dyly arglỽyd dygymot ac ef. namyn
gan gaffel o|r coỻedic y|da. kany dyly yr arglỽyd
idaỽ ef dim. namyn gan y vot ef yn euaỽc.
a|e vot ynteu yn euaỽc pan wrthotto y reith.
ac ỽrth hynny y dyly y coỻedic y|da. ac odyna y
gosp y|r arglỽyd. ac yn dec ydaỽ y gymryt. O|deruyd.
tebygu panyỽ o|r|da|a|el y|r arglỽyd y dyly y coỻe+
dic y da. nyt ef. y coỻedic a|dyly yr eidaỽ y gan y ̷
neb a|ỽnaeth y coỻet idaỽ. ac am wneuthur coỻ ̷+
et idaỽ ynteu y dyly yr|arglỽyd y cosp. Rei a|dy ̷+
weit am amot na eỻir vyth y torri. Sef achaỽs
yỽ megys gouunet yỽ amot. a phop gouunet
kyt torrer. iaỽn yỽ dyuot idi drachefyn a|e chadỽ
o newyd. ac ual hynny y neb a torro amot. a|bot
yn|ediuar ganthaỽ. a galỽ am y amot. gan die+
issi˄ỽaỽ y neb y torres ef yr amot ac ef. rei a|dyw+
eit y|dyly ef gaffel y amot dra|e gevyn a|e le. kyfre ̷+
ith eissoes a|dyweit. pa dyn bynnac a|ymwrthotto
a pheth kyfreithaỽl. yr meint yr ymrỽymo myỽn y ̷ ̷
| « p 280 | p 282 » |