Oxford Jesus College MS. 57 – page 36
Llyfr Blegywryd
36
os ketwis ỽy teir·nos. Ef a|geiff amobreu merchet
merchet* y bilaeneit a vont myỽn maertrefi y ỻys.
a|gỽer a blonec ysgrybyl y ỻys. Kyt sarhao y gỽassa+
naethwyr y maer bissweil ỽrth dỽyn bỽyt a ỻynn
o|r gegin ac o|r vedgeỻ parth a|r neuad. ny diwygir
dim idaỽ am hynny. ~ ~ ~ ~ ~ ~
R Jghiỻ y|dir a|geif yn ryd. a rỽng y|dỽy golo+
vyn y seif tra vo y brenhin ar|y vỽyt. kanys
ef a|weirchedỽ* y neuad rac tan yna. a|gỽedy bỽyt
ysset ynteu ygyt a|e|gedymdeithyon. a gỽedy hyn+
ny nac eistedet ac na|thrawet y post nessaf y|r bren+
hin. Gỽiraỽt gyfreithaỽl a|geif. nyt amgen. ỻone+
it y ỻestri y gỽaỻofyer ac ỽynt o|r kỽryf. a|e hanner
o|r bragaỽt. a choesseu y gỽarthec a ladher yn|y
gegin y wneuthur curyaneu idaỽ. ny bydant
uch no hyt ucharned y draet. Naỽuettyd kynn
kalan gaeaf y keiff peis a chrys a|phenn capan.
a|their ỻath o liein o benn y elin hyt y bys per+
ued y wneuthur ỻaỽdỽr idaỽ. Ny byd o hyt yn|y
diỻat. namyn is penn y lin ỽrth glỽm y laỽdỽr.
| « p 35 | p 37 » |