Oxford Jesus College MS. 57 – page 96
Llyfr Blegywryd
96
ny chyỻ ef breint braỽdỽr tra uedo ar y|tir
o|r|hỽnn y mae breint idaỽ y varnu. kanys
ym|peth bynnac y bo breint yn|yr un·ryỽ
hỽnnỽ vyd priodolder diwahan. megys bre+
int anyanaỽl diwahan. Priodolder corff ve+
ỻy priodolder breint tir yssyd priodolder
tir. ac ueỻy breint sỽyd yssyd briodolder
sỽyd. Ac ỽrth hynny pan wahaner braỽdỽr
sỽydaỽc a|e sỽyd. trỽy gyfreith veỻy y gỽe+
henir a|breint y sỽyd. Yspeit y dosparth bra+
ỽt amrysson rỽng deu wystyl a roder er+
byn yn erbyn yn ỻaỽ y brenhin pymtheng
niwarnaỽt. ac ual hynn y dosperthir. yn
gyntaf y|dyly y brenhin yn hedychaỽl gỽa+
randaỽ yn|y ỻys amrysson y neb a wrthỽy ̷+
nepo y|r braỽdỽr. ac odyna atteb y braỽdỽr
ol yn|ol. Odyna y neb a dywetto yn erbyn
y braỽdỽr a dyly dangos o|lyfyr kyfreith
braỽt teilyngach no|r honn a dangosses
y braỽdỽr os dichawn. ac ueỻy y goruyd ef
| « p 95 | p 97 » |